🛑Dünən Xəzər rayonu Mərdəkan çimərliyində batan 4 gəncin hamısı Lerik rayonunun Orand kənd sakinləri olub.

Vəfat edən gənclər paytaxta mövsümi işlə bağlı gəlibmiş. Onlar Xəzər rayonu ərazisində tikinti sahəsində usta və fəhlə kimi çalışıblar və dünən işlərini yekunlaşdıraraq təhvil veriblər. Bundan sonra 4 gənc istirahət məqsədilə dəniz sahilinə yollanıb.

Meyiti sudan çıxarılan 2005-ci il təvəllüdlü Əbdülov Elnur İsa oğlu və qardaşı 2007-ci il təvəllüdlü Elmarın nəşləri dəfn edilmək üçün doğma kəndlərinə aparılıb. 1991-ci il təvəllüdlü Əzimov Namiq İsabala oğlu isə Bakıda dəfn olunacaq. Hazırda Namiqin qohumu 2003-cü il təvəllüdlü Məcidov Pərviz Zöhrab oğlunun axtarışları davam etdirilir.

⚡️Dörd nəfərdən yalnız Namiq Əzimov ailəlidir. O, Bakıda daimi yaşayırmış. İki dəfə ailə həyatı quran Namiqin 4 övladı qalıb. Hər evliliyindən iki övladı dünyaya gəlib.

Dünyasını dəyişən digər 3 gənc isə subay olub. Pərviz Məcidovun kənddə evi olsa da, Bakıda kirayədə yaşayırmış.

🛑Dünən Xəzər rayonu Mərdəkan çimərliyində batan 4 gəncin hamısı Lerik rayonunun Orand kənd sakinləri olub.

Vəfat edən gənclər paytaxta mövsümi işlə bağlı gəlibmiş. Onlar Xəzər rayonu ərazisində tikinti sahəsində usta və fəhlə kimi çalışıblar və dünən işlərini yekunlaşdıraraq təhvil veriblər. Bundan sonra 4 gənc istirahət məqsədilə dəniz sahilinə yollanıb.

Meyiti sudan çıxarılan 2005-ci il təvəllüdlü Əbdülov Elnur İsa oğlu və qardaşı 2007-ci il təvəllüdlü Elmarın nəşləri dəfn edilmək üçün doğma kəndlərinə aparılıb. 1991-ci il təvəllüdlü Əzimov Namiq İsabala oğlu isə Bakıda dəfn olunacaq. Hazırda Namiqin qohumu 2003-cü il təvəllüdlü Məcidov Pərviz Zöhrab oğlunun axtarışları davam etdirilir.

⚡️Dörd nəfərdən yalnız Namiq Əzimov ailəlidir. O, Bakıda daimi yaşayırmış. İki dəfə ailə həyatı quran Namiqin 4 övladı qalıb. Hər evliliyindən iki övladı dünyaya gəlib.

Dünyasını dəyişən digər 3 gənc isə subay olub. Pərviz Məcidovun kənddə evi olsa da, Bakıda kirayədə yaşayırmış.

16 yaşdan kiçiklərin sosial şəbəkələrdən istifadəsi məhdudlaşdırılır, platformalara böyük cərimələr tətbiq ediləcək

Pressxebertv Az xəbər verir ki, məsələ Milli Məclisin İnsan hüquqları, Ailə qadın və uşaq məsələləri və Hüquq siyasəti və dövlət quruculuğu komitələrinin iyunun 8-i keçiriləcək birgə iclasında müzakirəyə çıxarılacaq “İnformasiya, informasiyalaşdırma və informasiyanın mühafizəsi haqqında” və “Uşaqların zərərli informasiyadan qorunması haqqında” qanun layihələrində əksini tapıb.

Belə ki, layihəyə əsasən, 16 yaşı tamam olmamış şəxslərin yaş məhdudiyyəti tətbiq edilən sosial şəbəkə platformalarında fərdi rəqəmsal hesab yaratmasına icazə verilməyəcək.

Layihəyə görə, 16-18 yaş arası istifadəçilər üçün əlavə təhlükəsizlik mexanizmləri tətbiq olunacaq, onların hesabları üzərində valideyn nəzarəti genişləndiriləcək, zərərli məzmunların qarşısının alınması üçün platformalar xüsusi rəqəmsal həllər tətbiq etməli olacaq.

Sosial şəbəkə platformaları istifadəçilərin yaşını yoxlamaq üçün texniki vasitələr tətbiq etməli, toplanan məlumatları saxlaya və ya kommersiya məqsədləri üçün istifadə edə bilməyəcəklər.

Qanun layihəsi xarici sosial şəbəkə platformaları üçün də yeni tələblər müəyyən edir. Belə ki, Azərbaycanda fəaliyyət göstərən platformalar yerli qeydiyyatdan keçməli, dövlət qurumlarının sorğularını cavablandırmalı və əlaqə mərkəzi yaratmalıdır.

Tələblərin pozulmasına görə platforma provayderləri üçün minlərlə manatlıq cərimələr nəzərdə tutulur. Təkrar pozuntular zamanı vəzifəli şəxslər 10 min manatadək, hüquqi şəxslər isə 50 min manatadək cərimələnə biləcək.

Layihənin keçid müddəalarına əsasən, qanun dərc edildiyi gündən 12 ay sonra qüvvəyə minəcək. Platformalar bu müddət ərzində yaş yoxlama sistemlərini qurmalı, qanun qüvvəyə mindikdən sonra isə 16 yaşdan aşağı istifadəçilərin hesablarını məhdudlaşdırmalı və ya silməlidirlər.

16 yaşdan kiçiklərin sosial şəbəkələrdən istifadəsi məhdudlaşdırılır, platformalara böyük cərimələr tətbiq ediləcək

Pressxebertv Az xəbər verir ki, məsələ Milli Məclisin İnsan hüquqları, Ailə qadın və uşaq məsələləri və Hüquq siyasəti və dövlət quruculuğu komitələrinin iyunun 8-i keçiriləcək birgə iclasında müzakirəyə çıxarılacaq “İnformasiya, informasiyalaşdırma və informasiyanın mühafizəsi haqqında” və “Uşaqların zərərli informasiyadan qorunması haqqında” qanun layihələrində əksini tapıb.

Belə ki, layihəyə əsasən, 16 yaşı tamam olmamış şəxslərin yaş məhdudiyyəti tətbiq edilən sosial şəbəkə platformalarında fərdi rəqəmsal hesab yaratmasına icazə verilməyəcək.

Layihəyə görə, 16-18 yaş arası istifadəçilər üçün əlavə təhlükəsizlik mexanizmləri tətbiq olunacaq, onların hesabları üzərində valideyn nəzarəti genişləndiriləcək, zərərli məzmunların qarşısının alınması üçün platformalar xüsusi rəqəmsal həllər tətbiq etməli olacaq.

Sosial şəbəkə platformaları istifadəçilərin yaşını yoxlamaq üçün texniki vasitələr tətbiq etməli, toplanan məlumatları saxlaya və ya kommersiya məqsədləri üçün istifadə edə bilməyəcəklər.

Qanun layihəsi xarici sosial şəbəkə platformaları üçün də yeni tələblər müəyyən edir. Belə ki, Azərbaycanda fəaliyyət göstərən platformalar yerli qeydiyyatdan keçməli, dövlət qurumlarının sorğularını cavablandırmalı və əlaqə mərkəzi yaratmalıdır.

Tələblərin pozulmasına görə platforma provayderləri üçün minlərlə manatlıq cərimələr nəzərdə tutulur. Təkrar pozuntular zamanı vəzifəli şəxslər 10 min manatadək, hüquqi şəxslər isə 50 min manatadək cərimələnə biləcək.

Layihənin keçid müddəalarına əsasən, qanun dərc edildiyi gündən 12 ay sonra qüvvəyə minəcək. Platformalar bu müddət ərzində yaş yoxlama sistemlərini qurmalı, qanun qüvvəyə mindikdən sonra isə 16 yaşdan aşağı istifadəçilərin hesablarını məhdudlaşdırmalı və ya silməlidirlər.

Səlim Müslümovun Yasamaldakı mənzili dördüncü dəfə hərraca çıxarılır

Sabiq əmək və əhalinin sosial müdafiəsi naziri Səlim Müslümovun üzərinə həbs qoyulmuş mənzillərindən biri yenidən hərraca çıxarılır.

Pressxebertv Az oxu.az-a istinadla xəbər verir ki, mənzil İqtisadiyyat Nazirliyi yanında Əmlak Məsələləri Dövlət Xidməti tərəfindən iyunun 16-da keçiriləcək hərracda satışa təqdim olunacaq.

Hərrac elanına əsasən, söhbət Bakı şəhəri, Yasamal rayonu, Mirzə İbrahimov küçəsi, 422-ci məhəllə, ev 53, mənzil 108 ünvanında yerləşən daşınmaz əmlakdan gedir.

Sahəsi 370.4 kvadratmetr olan mənzilin start qiyməti 694 687.5 manat, beh məbləği isə 69 468.8 manat müəyyən edilib.

Elanda qeyd olunur ki, mənzil alıcı tapılmadığı üçün 4-cü dəfə 25 faiz endirimli qiymətlə təkrar hərraca çıxarılır.

Səlim Müslümovun Yasamaldakı mənzili dördüncü dəfə hərraca çıxarılır

Sabiq əmək və əhalinin sosial müdafiəsi naziri Səlim Müslümovun üzərinə həbs qoyulmuş mənzillərindən biri yenidən hərraca çıxarılır.

Pressxebertv Az oxu.az-a istinadla xəbər verir ki, mənzil İqtisadiyyat Nazirliyi yanında Əmlak Məsələləri Dövlət Xidməti tərəfindən iyunun 16-da keçiriləcək hərracda satışa təqdim olunacaq.

Hərrac elanına əsasən, söhbət Bakı şəhəri, Yasamal rayonu, Mirzə İbrahimov küçəsi, 422-ci məhəllə, ev 53, mənzil 108 ünvanında yerləşən daşınmaz əmlakdan gedir.

Sahəsi 370.4 kvadratmetr olan mənzilin start qiyməti 694 687.5 manat, beh məbləği isə 69 468.8 manat müəyyən edilib.

Elanda qeyd olunur ki, mənzil alıcı tapılmadığı üçün 4-cü dəfə 25 faiz endirimli qiymətlə təkrar hərraca çıxarılır.